Our mission and value

ເປົ້າ​ໝາຍ ​ແລະ ຈຸດປະສົງການ​ເຄື່ອນ​ໄຫວ​ຂອງ​ສະ​ມາ​ຄົມ

1.    ​ເປົ້າໝາຍ: ປະກອບສ່ວນຜັນຂະຫຍາຍນະໂຍບາຍ, ຍຸດທະສາດ ແລະ  ແຜນງານ ຂອງ ຂະແໜງ ການປ່າໄມ້ ໃຫ້ບັນລຸເປົ້າໝາຍ ດ້ວຍການສະໜັບສະໜູນວິຊາການ ແລະ ທຶນຮອນ (ຈາກການລະດົມຂົນຂວາຍ) ໃຫ້ແກ່ການຄຸ້ມຄອງ, ການປົກປັກຮັກສາ ແລະ ການນໍາໃຊ້ຊັບພະຍາກອນປ່າໄມ້ ໃຫ້ມີຄວາມຍືນຍົງ ແລະ ມີປະສິດທິຜົນ ແລະ ປະສິດທິພາບສູງ ຕາມຂອບການພັດທະນາສີຂຽວຂອງລັດຖະບານ ເພື່ອປະກອບສ່ວນໃນການພັດທະນາເສດຖະກິດ-ສັງຄົມຂອງປະເທດຊາດ.

2. ຈຸດປະສົງ:

1)   ເຕົ້າໂຮມ ນັກວິຊາການ, ຜູ້ມີປະສົບການ ແລະ ບຸກຄົນທີ່ຮັກປ່າໄມ້.

2)   ລະດົມ ການຊ່ວຍເຫລືອ ດ້ານວັດຖຸ ແລະ ທຶນຮອນ ຈາກພາຍໃນ ແລະ ຕ່າງປະເທດ.

3)   ໃຫ້ຄຳປຶກສາ ດ້ານປ່າໄມ້ ແລະ ການປ່ຽນແປງດິນຟ້າອາກາດ.

4)   ຈັດຝຶກອົບຮົມ,​ ສຳມະນາ ແລະ ປະຊຸມ.

5)   ຈັດຕັ້ງການສຶກສາ ແລະ ການຄົ້ນຄວ້າ ກ່ຽວກັບຊັບພະຍາກອນປ່າໄມ້ ແລະ ການປ່ຽນແປງດິນຟ້າອາກາດ

6)   ເຜີຍແຜ່ນະໂຍບາຍຂອງລັດຖະບານ ທີ່ກ່ຽວຂ້ອງກັບການຄຸ້ມຄອງປ່າໄມ້, ແລະ ຫລຸດຜ່ອນການປ່ຽນແປງດິນຟ້າອາກາດ

7)   ຕິດຕາມ ແລະ ປະເມີນຜົນການຈັດຕັ້ງໂຄງການທີ່ກ່ຽວຂ້ອງກັບຂະແໜງການປ່າໄມ້ ແລະ ການປ່ຽນແປງດິນຟ້າອາກາດ

8)   ຈັດຕັ້ງປະຕິບັດກິດຈະກຳປູກໄມ້, ການຟື້ນຟູປ່າໄມ້, ການປະເມີນ, ແລະ ການຄຸ້ມຄອງຊັບພະຍາກອນປ່າໄມ້ ແລະ ການອະນຸລັກປ່າໄມ້,​ ສັດນໍ້າ-ສັດປ່າ ແລະ  ອ່າງຮັບນຳ້

9)   ຈັດຕັ້ງກິດຈະກຳສົ່ງເສີມການສ້າງກຸ່ມປູກໄມ້ຂອງປະຊາຊົນ ແລະ ການນຳໃຊ້ຊັບພະຍາກອນປ່າໄມ້ ໃຫ້ມີປະສິດທິຜົນ ແລະ ປະສິດທິພາບສູງ